افغانستان

طالبانو د ۲۰۲۱ کال د اګست په میاشت کې افغانستان د خپل په ولکه کې راوست او داسې تګلارې یې اعمال کړې چې بنسټیز حقونه په ځانګړې توګه د ښځو او نجونو هغه یې محدود کړل. طالبانو ټولې ښځې په ملکي خدمتونو کې د مشرتابه له پوستونو څخه ګوښه کړې او په ډیری ولایتونو کې یې نجونې د ثانوي ښوونځیو ته له ګډون څخه منعې کړې. د طالبانو فرمانونه د محرم پرټه ښځې له سفر څخه منع کړي او دا چې د تلویزیون ښځینه نطاقانو په ګډون د ښځو مخونه په عامه ځایونو کې پټ وي.

طالبانو پراخ سانسور وضع کړې او انتقادي رپوټونه یې محدود کړي او خبریالان یې بندیان او وهلي دي. طالب ځواکونو د پخوانيو حکومتي چارواکو او امنیتي ځواکونو د پرسونل پر وړاندې د غچ اخیستنې وژنې او د اجباري نادرکه کیدو کړنې ترسره کړي دي. طالبانو هغه کسان صحرايي محاکمه کړي کوم چې د اسلامي دولت (داعش) سره تړاو درلود.

د داعش  له افغانستان څانګې سره تړلې وسله والې ډلې د هزاره ګانو، افغان شیعه ګانو، صوفیانو او نورو توکمونو په نښه کولو بمي بریدونه کړي چې ترڅ کې ېي سلګونه کسان وژلي او ټپیان کړي دي.

د افغانستان اقتصاد د ۲۰۲۱ کال له اګسټ وروسته سقوط وکړ، کله چې امریکا، نړیوال بانک او نورو مرستندویانو د افغانستان له مرکزي بانک څخه خپلې بهرنۍ شتمنۍ وویستلې او مالي مرستو ته د یاد بانک لاس رسی بند کړ چې په پایله کې يې میلیونونو خلکو معاشونه له لاسه ورکړل. د افغانستان ۹۰ سلنه نفوس د درملو له کمښت او د خوارځواکۍ اړوند ناروغیو د زیاتوالي ترڅنګ د خوراکي توکو له جدي نه خوندیتوب سره مخ دي.

Available in دری >>