ប្រទេសកម្ពុជា៖ ជនរស់រានមានជីវិតពីអំពើវាយប្រហារដោយអាស៊ីដត្រូវបានបដិសេធមិនផ្ដល់ការព្យាបាល និងយុត្តិធម៌
ជនរស់រានមានជីវិតពីអំពើហិង្សាដោយអាស៊ីដនៅកម្ពុជា ត្រូវបានបដិសេធមិនផ្ដល់ជូននូវការព្យាបាលដោយគ្មានបង់ប្រាក់ ផ្ទុយពីច្បាប់ដែលបានចែង ហើយពួកគេក៏ប្រឈមនឹងសម្ពាធដែលធ្វើឲ្យពួកគេត្រូវបង្ខំចិត្តទទួលយកដំណោះស្រាយដែលមិនយុត្តិធម៌ នេះបើតាមការលើកឡើងរបស់អង្គការឃ្លាំមើលសិទ្ធិមនុស្សយូមែនរ៉ៃត៍វច្ឆ (Human Rights Watch) ក្នុងរបាយការណ៍មួយដែលត្រូវបានចេញផ្សាយនៅថ្ងៃនេះ។ រដ្ឋាភិបាលកម្ពុជាគួរអនុវត្តច្បាប់របស់ខ្លួនដែលតម្រូវឲ្យមានការផ្ដល់ជំនួយផ្នែកច្បាប់ សង្គមកិច្ច និងសុខាភិបាលដល់ជនរស់រានមានជីវិតពីការវាយប្រហារដោយអាស៊ីដ។
