  |
|||
|
 |
1. مش من
مصلحتك
إنو تعطي العاملة المنزلية يوم فرصة أسبوعياً، يمكن تهرب أو تحبل.
غلط
•
عاملات المنازل عايزين يحافظوا على عملن، وعلى هالأساس الكثير منهم
بيتفادوا المشاكل.
• كل شخص بيحتاج ليوم كامل من
الراحة. شو بيكون شعورك إذا ما فيكي تتركي محل شغلك أبدا ً، تقضّي الوقت
مع أصحابك أو تحكي بلغتك؟
|
 |
2. على أرباب العمل دفع كل معاش
العاملة المنزلية شهرياً.
صح
• العاملة المنزلية
بتجي تشتغل عنّا لأن عيلتها بحاجة ضروريّة
لمعاشها. شو بيكون شعورك إذا جبرك رب العمل تشتغلي لأشهر من دون ما يدفع
معاشك؟
• أرباب العمل يللي ما بيقدرو على
دفع معاش العاملة شهريا ً، مش لازم يوظفوها.
|
 |
3. الاحتفاظ بجواز سفر عاملات
المنازل هو تدبير شرعي لمنعن من الهرب.
غلط
• جواز السفر هوي ملك
البلد يللي بيصدر عنو وملك لصاحبه.
• احترام حق العاملة
بالاحتفاظ بجواز سفرها هو دليل على الثقة،
يللي بدورها بتأسس لعلاقة عمل إيجابية.
|
 |
4. ضرب عاملة المنزل " كفّين"
لتحسين عملها مش مظبوط.
صح
• الصفع، مهما كانت
درجته ، مذل، ونوع من العنف المنزلي.
• عاملة المنزل ما
بتحتاج للـ"تأديب". كان إنت كمان ممكن تكسري الصحن أو
تتركي الغسيل منشور تحت الشتي. من حق العاملة إنو تتعلم بكل كرامة واحترام.
|
 |
5. توجيه كلمات نابية لعاملة المنزل
أمر مش مؤذي، لأنو منستعملن بحياتنا اليومية.
غلط
• إنّو تقولي للعاملة
"حمارة" أو "غشيمة" كأنّك ضربتيها. بعض
الكلام اللطيف بيخلّيها أكثر سعادة و علاقتكن منتجة أكثر.
• متل ما إنت عم
بتحاولي التعايش مع العاملة بمنزلك، هيّ كمان عم
تعمل جهدها لتتأقلم مع وضع جديد ومتطلبات عمل كتيرة.
|
 |
6.
طعام منوّع وبكمية كافية بيساعد عاملة المنزل لتكون بصحّة أفضل.
صح
• على أرباب العمل إنو
يُأمّنوا لعاملة المنزل كميّة مناسبة من الطعام المتنوّع يومياًًّ.
• بعض العاملات بيفضلوا
أكل بلدهن. فيكي حتّى تجربيه... يمكن تلاقيه طيّب وعلى ذوقك!
|
 |
7.
من الطبيعي قفل الأبواب على عاملة المنزل لسلامتها الخاصة.
غلط
• قفل الأبواب على
العاملة خطر عليها، وخرق لحقها بالتجوّل بحريّة.
• إذا كنت خايفة تفتح
الباب بدون انتباه للغرباء، فيكي تحلّي هالشي بالحكي معها والتفاهم.
|